زانکۆیا زاخۆ گەرمترین پیرۆزباهییان ئاراستەی ڤەکۆلەر (م. سمیرە شکر محەمەد ئەمین) دکەت ب هەلکەفتا وەرگرتنا باوەرنامەیا دەستکەفتێ نایاب بۆ ڤەکۆلینا وێ یا زانستی یا ب ناڤونیشانێ:
“Residual Ofloxacin Detection in Food via Paper-Based and Solution Platforms Using a Dual-Emissive MOF with Wide-Range Triple-Color Emission”
ئەڤ باوەرنامەیە د ٩یەمین سەمپۆزیۆما ڤەکۆلینێن نایاب دا هاتە بەخشین، ئەوا ژلایێ ڕێکخراوا Kscien بۆ ڤەکۆلینێن زانستی ڤە هاتبوو ڕێکخستن.
ئەڤ ڕێزلێنانە وەک نرخاندنەک بوو بۆ ئەڤێ ڤەکۆلینێ ب سەدەمێ ب دەستڤەئینانا پلەیا ئێکێ (First Rank) د ناڤبەرا هەمی وەشانێن هاتینە هەلسەنگاندن ل زانکۆیا زاخۆ بۆ ساڵا ٢٠٢٥–٢٠٢٦. ئەڤ باوەرنامەیە هاتە بەخشین ب مەرەما نرخاندنا کارتێکرنا ئەکادیمی، ڕێبازا زانستی یا کویر، پشکداریا زانستی، و گرنگیا وێ بۆ جڤاکێ زانستی یێ بەرفرەهتر.
ئەڤ دەستکەفتە ڕەنگڤەدانەکا پێگیری و دلسۆزیا زانکۆیێ یە بۆ پێشئێخستنا ڤەکۆلینێن زانستی یێن ئاستبلند، نویگەری، و بلندکرنا ئاستێ ئەکادیمی، هەڤدەم بۆ هاندانا ڤەکۆلەران دا کو پشکداریێ د چارەسەرکرنا ئالۆزیێن زانستی و کرداریێن هەڤچەرخ دا بکەن.
زانکۆیا زاخۆ پیرۆزباهییەکا گەرم ل ڤەکۆلەرێ و تەڤایا هەڤکارێن پشکدار د ڤی دەستکەفتی دا دکەت، و دەستخۆشی و پێزانینێن خۆ بۆ بزاڤێن وان ئاراستە دکەت د پێشئێخستنا ڤەکۆلینا زانستی و بەرزکرنا ئاستێ زانستی یێ زانکۆیێ دا.
ئەڤ ڕێزلێنانا ئەکادیمی یا شایستە پیرۆز بیت.